काठमाडौं: नेकपा एमालेका अध्यक्ष केपी शर्मा ओलीले निर्वाचनमा एमालेको बहुमत आउने र मंसिर १५ सम्ममा एमालेको नेतृत्वमा सरकार बन्ने दावी गरेका छन् ।
भक्तपुरको बालकोटस्थित महेन्द्र शान्ति माध्यमिक विद्यालयको मतदान केन्द्रमा मतदानपछि सञ्चारकर्मीसंग कुरा गर्दै ओलीले निर्वाचनमा एमालेको बहुमत आउने र मंसिर १५ गतेसम्ममा सरकारको नेतृत्व गर्ने बताए ।
एमालेको सरकार बनेपछि सहकार्य गरेका दललाई समेत सरकारमा ल्याउने ओलीको भनाइ छ ।
ओलीले एमालेको बहुमत आउने देखेर नै विभिन्न शक्तिहरु एमालेविरुद्धमा लागेको टिप्पणी गरे ।
युवालाई भड्काउने र राजनीतिक दिशाविमुख गर्ने काम भएपनि जनताले सचेत भएर मतदान गर्ने उनको भनाइ छ ।
प्रतिक्रिया
सम्बन्धित खवर
असार २१, २०८३ आइतबार 72 Views
असार ११, २०८३ बिहिबार 91 Views
