जेन–जी आन्दोलन जाँचबुझ आगोगले कांग्रेस नेता तथा तत्कालीन गृहमन्त्री रमेश लेककलाई बयानका लागि सात दिनभित्र उपस्थित हुन भन्दै पत्र काटिसकेको छ । तर लेखकले भने अझै पनि बयान दिने जाने मनस्थिति बनाइसकेका छैनन् ।

बुधबार पार्टी कार्यालय सानेपामा पत्रकारहरूसँग बोल्दै लेखकले त्यसबारे एकदुई दिनमा निर्णय लिने बताएका छन् । बयान दिन जानको लागि पार्टीबाट सुझाव आएछ, तपाईं के गर्नुहुन्छ ? भन्ने प्रश्नमा लेखकले भने, ‘एकदुई दिनमा भनौँला ।’

आज बसेको कांग्रेस केन्द्रीय कार्यसम्पादन समितिको बैठकमा नेताहरूले लेखकलाई सरकारद्वारा गठित आयोगमा बयान दिन सुझाव दिएका थिए ।

बैठकपछि प्रवक्ता प्रकाशहरण महतले भनेका छन्, ‘निवर्तमान गृहमन्त्रीलाई बयान दिन जानुपर्ने विषयमा कुरा उठ्यो । सुझाव दिने साथीहरूले बयान दिन जानु राम्रो हो भन्नुभय‍ो ।’

लेखक गृहमन्त्री हुँदा २३ भदाैमा संसद भवनअगाडि प्रदर्शन गर्ने १९ युवाको ज्यान गएको थियो । घटनापछि लेखकले नैतिकताका आधारमा पदमा नबस्ने भन्दै राजीनामा दिएका थिए ।